बाजुरामा आकस्मिक प्रसुति सेवा दिने चिकित्सक नहुँदा २१ वर्षीया भाग्यद्धारा वाटोमै वच्चाको जन्म

स्वास्थ्य

Home
स्वास्थ्य
बाजुरामा आकस्मिक प्रसुति सेवा दिने चिकित्सक नहुँदा २१ वर्षीया भाग्यद्धारा वाटोमै वच्चाको जन्म

बाजुरामा आकस्मिक प्रसुति सेवा दिने चिकित्सक नहुँदा २१ वर्षीया भाग्यद्धारा वाटोमै वच्चाको जन्म

बाजुराको गौमुल गाउँपालिका ३ माँझपालि बस्ने २१ वर्षीया भाग्य चदाराले बाटोमा बच्चा जन्माउनु भएको छ । सुत्केरी गराउन अछामको बयलपाटा अस्पतालमा लैजाने क्रममा भाग्यले बुढिगंगा नगरपालिकाको बार्जुगाड नजिकै बाटोमै बच्चा जन्माउनु भएको हो ।

गौमुल गाउँपालिकाबाट जिल्ला अस्पताल बाजुरामा रिफर गरेको भएपनि बाजुरामा आकस्मिक प्रसुति सेवा दिने चिकित्सक नहुँदा अछाम रिफर गरिएको थियो। बयलपाटा नपुग्दै बाजुराको बार्जुगाडमा बच्चा जन्माएको अनमी रमा रोकायाले बताउनु भयो ।

बाजुरा अस्पतालमा आकस्मिक प्रसुति सेवा भएपनि १ हप्तादेखि चिकित्सक नहुदा जटिल खाले गर्भवतीलाई रिफर गर्ने गरिएको थियो। अस्पतालमा चिकित्सक नहुँदा अछाम रिफर गरेर लैजाँदै गर्दा बाटोमै बच्जा जन्मिएको थियो।

तालिम प्राप्त चिकित्सक डा। सुनिलकुमार शाह, डा। बिपुल चौधरी र डा। जस्मिता बलमपाकी एकैसाथ बिदामा गएपछि बाजुरा अस्पतालमा आकस्मिक प्रसुति सेवा बन्द भएको छ। अस्पतालमा कार्यरत डा। दिपेन्द्र बुढा पनि बिदामा छन्।

भाग्य जस्तै धेरै गर्भवतीको पीडा यस्तै छ। हिमाली गाउँपालिका १ बामु बस्ने नानी रोकायाले पनि बाटोमै बच्चा जन्माउनु भयो। सुत्केरी ब्यथा लागेपछि ३ घण्टा टाढाको बामु आधारभुत स्वास्थ्य सेवा केन्द्रमा लैजाँदै गर्दा वहाँले पनि बाटो मै बच्चा जन्माउनु भएको थियो ।

सुरक्षित प्रसूति गराउन नसक्दा ३ वर्षको अवधिमा ८ जना सुत्केरीको मृत्यु भइसकेको छ। गर्भवती जाँच गराउन नजाने तथा सुत्केरी गराउन समस्या हुने भएकाले मृत्युदर बढेको बडिमालिका नगरपालिका स्वास्थ्य शाखा प्रमुख टेकबहादुर खड्काले जानकारी दिनु भयो । -अन्नपूर्ण

प्रकाशित मिति: बिहीबार, मंसिर २९, २०७९ २१:३७

प्रतिक्रिया दिनुहोस्