नारायणगढ–बुटवल सडक निर्माणका विषयमा प्रधानमन्त्री ओलीको ध्यानाकर्षण

विकास निर्माण

Home
विकास निर्माण
नारायणगढ–बुटवल सडक निर्माणका विषयमा प्रधानमन्त्री ओलीको ध्यानाकर्षण

नारायणगढ–बुटवल सडक निर्माणका विषयमा प्रधानमन्त्री ओलीको ध्यानाकर्षण

फाेटाे: सञ्जय माैर्य

जिल्ला समन्वय समिति नवलपरासीका प्रमुख भगौती यादव रुदलले प्रधानमन्त्री केपीशर्मा ओलीलाई विहिवार ज्ञापनपत्र बुझाउनु भएको छ । नारायणगढ–बुटवल सडक खण्डको निर्माणमा भएको ढिलाइका विषयमा प्रधानमन्त्री ओलिलाई ज्ञापनपत्र बुझाउनु भएको हो । सो अवसरमा नवलपरासी पश्चिम, नवलपरासी पूर्व र रुपन्देही जिल्लाका जनप्रतिनिधिहरुको उपस्थिति रहेको थियो ।

जनप्रतिनिधिसहितसँगको छलफलमा प्रधानमन्त्री ओलीले आउँदो मङ्सिरभित्र काम शुरु नभएमा बाध्यतावश ठेक्का तोड्नुको विकल्प नहुने बताउनु भएको छ । प्रधानमन्त्री ओलीले महेन्द्र राजमार्ग अन्तर्गत नारायणगढ–बुटवल सडक खण्डको निर्माणमा भएको ढिलाइका विषयमा छिट्टै टुङ्गोमा पुगिने बताउनु भएको छ ।

प्रधानमन्त्री ओलीले सडकका कारण त्यस क्षेत्रका बासिन्दाहरुले लामो समयदेखि कष्टपूर्ण रुपमा धुलो–मैलोमा बस्नु परेको र आर्थिक विकासका गतिविधिमा पनि असर परेको बताउँदै ’यस विषयलाई गंभीर रुपमा लिएर सरकारका सम्बन्धित निकायले काम गनुपर्ने बताउनु भएको छ ।

सो अवसरमा उपप्रधानमन्त्री एवं अर्थमन्त्री विष्णुप्रसाद पौडेल, भौतिक पूर्वाधार तथा यातायातमन्त्री देवेन्द्र दाहाल, भूमी व्यवस्था तथा सहकारीमन्त्री बलराम अधिकारी, भौतिक मन्त्रालयका सचिव केशव शर्मालगायत सहभागी रहनु भएको बताइएको छ ।

चाइनास्टेट कम्पनीसँग उक्त सडक खण्ड २०७९ साउन २२ सम्ममा निर्माण सम्पन्न गर्ने गरी २०७५ चैत ८ गते ठेक्का सम्झौता भएको थियो । हालसम्म ४४ प्रतिशत भुक्तानी भइसकेको र ५२ प्रतिशत काम भएको जनाइएको छ ।

प्रकाशित मिति: बिहीबार, कात्तिक २९, २०८१ १८:०५

प्रतिक्रिया दिनुहोस्