नवलपरासीका १६ हजार बढी किशोरीहरूलाई एचपीभी खोप दिइँदै ‌

स्वास्थ्य

Home
स्वास्थ्य
नवलपरासीका १६ हजार बढी किशोरीहरूलाई एचपीभी खोप दिइँदै ‌

नवलपरासीका १६ हजार बढी किशोरीहरूलाई एचपीभी खोप दिइँदै ‌

परासी । माघ २२ गतेदेखि २८ गतेसम्म सञ्चालन हुने खोप अभियानमा नवलपरासीका १६ हजार २९३ जना किशोरीहरूलाई पाठेघरको मुखको क्यान्सर विरुद्धको खोप एचपीभी दिने भएको छ ।

खोपका लागि जिल्लाका २०० विद्यालयमा अध्ययनरत कक्षा ६ देखि १० सम्मका १५ हजार ६६९ र विद्यालय नजाने करिब ६ सय २४ जना १० वर्षदेखि १४ वर्षसम्मका किशोरीहरूलाई एचपीभी खोप दिन लागिरहेको स्वास्थ्य कार्यालय नवलपरासीका प्रमुख गौरव ढकालले बताउनुभयो ।

खोप अभियानका लागि २ सय ५ जना स्वास्थ्य कार्यकर्ता र ३ सय ८ जना स्वयंसेवक खटिने भएका छन्।

स्वास्थ्य कार्यालय नवलपरासीले जिल्लाका सातवटै पालिकामा विभिन्न चरणमा खोप अभियानबारे अन्तरक्रिया तथा जानकारीमूलक कार्यक्रम सञ्चालन गरिसकेको स्वास्थ्य प्रमुख ढकालले जानकारी दिनुभयो । कार्यालयले एक सातासम्म सञ्चालन हुने अभियान सफल पार्न स्वास्थ्यकर्मी, सञ्चारकर्मी, सुरक्षाकर्मी, पालिका तथा वडा स्तरीय खोप समन्वय समिति र महिला स्वास्थ्य स्वयंसेविका लगायतलाई आग्रह गरेको छ।

नेपालमा हरेक वर्ष २ हजार १६९ जनामा पाठेघरको मुखको क्यान्सर देखिएको छ भने १ हजार ३१३ जनाको मृत्यु हुने गरेको तथ्याङ्क सार्वजनिक भएको छ।

प्रकाशित मिति: सोमबार, माघ १४, २०८१ ०६:२७

प्रतिक्रिया दिनुहोस्