तीजको दरः आडिलो र दरिलो खानेकुरा

कला/संस्कृति

Home
कला/संस्कृति
तीजको दरः आडिलो र दरिलो खानेकुरा

तीजको दरः आडिलो र दरिलो खानेकुरा

तीजको ब्रतबस्ने दिनको अघिल्लो दिन दरखाने गरिन्छ । दर आडिलो र दरिलो खानेकुरा हो । दुध, दहि र ध्यूबाट बनेका परिकार बनाएर खानुलाई दरखाने भनिन्छ । आडिलो खानाले शरिरलाई शक्ति दिने भएकोले यसलाई दरखाने भनिएको हो । भोलि पल्ट ब्रत बस्दा पानी पनि नखाई बस्ने मान्यता भएकाले दरखाँदा पोषिलो र दरिलो खानाले शक्ति दिन्छ भन्ने छ ।

परंपरा देखिनै दुधबाट बनेको खिर, चाम्रे, लट्टे, ढकनी, आलुको अचार, मिठाई र फलफूल खाने गरिन्थ्यो । तरकारीमा तामा, गेडागुडी, सागपात खाने गरिन्थ्यो भने राती सुन्ने बेलामा मिश्रीको काँडा बनाएर खाने प्रचलन पनि थियो । अर्थात दर पूर्ण रुपमा साकाहारी खाना थियो ।

अहिले दर शब्द अनुसारको खाना नभएर माछा, मासु, धेरै तेल र मरमसलाको खानेकुरा खाने प्रचलन आएको छ । त्यसमै पनि पेय पदार्थ(मदिरा) खाने प्रचलन पनि बढेरै गएको छ । अझै दर महिनौ दिनसम्म खाने चलन र व्यक्तिको खर्चिलो बानी र तडकभडक बढेर गएको छ ।

एक महिनादेखि दरखाने चलनले शरिरलाई फाइदा नहुने विज्ञहरुले बताउने गरेका छन् । बरिष्ठ पोषणविद मनसा थापाले महिलाहरुले तीज पर्व मनाउँदा आफ्नो स्वास्थ्यको ख्याल गर्न आग्रह गर्नु भएको छ ।

प्रकाशित मिति: सोमबार, भदौ ९, २०८२ २१:१६

प्रतिक्रिया दिनुहोस्