पूर्वी नवलपरासीमा आँखा शिविर: ६१ जनाको निःशुल्क शल्यक्रिया गरिने

स्वास्थ्य

Home
स्वास्थ्य
पूर्वी नवलपरासीमा आँखा शिविर: ६१ जनाको निःशुल्क शल्यक्रिया गरिने

पूर्वी नवलपरासीमा आँखा शिविर: ६१ जनाको निःशुल्क शल्यक्रिया गरिने

परासी । पूर्व नवलपरासीको विनय त्रिवेणी गाउँपालिकामा बुधबार निःशुल्क आँखा शिविर गरिएको छ। नेपाल नेत्र ज्योतिष सङ्घ डाक्टर विनोद नेता कण्डेल आँखा अस्पताल परासीको प्राविधिक सहयोग, सेवा फाउन्डेसन काठमाडौँको आर्थिक सहयोग र त्रिवेणी आँखा उपचार केन्द्र रानीनगरको स्थानीय आयोजनामा निःशुल्क आँखा शिविर गरिएको हो।

आँखा शिविरमा ३०७ जना व्यक्तिहरूको निःशुल्क आँखा परीक्षण गर्दा ६१ जनामा मोतियाबिन्दुको समस्या देखिएको आँखा अस्पताल परासीका सूचना अधिकारी धीरेन्द्र कुमार साहनीले नेपाली चेली अनलाइनलाई जानकारी दिनुभयो।

कार्यक्रम ब्रह्मकुमारी सूर्य विश्वविद्यालय त्रिवेणी शाखाकी सञ्चालिका जानकीको अध्यक्षता र विनय त्रिवेणी गाउँपालिका ७ का वडा अध्यक्ष उमेश कार्कीको प्रमुख आतिथ्यमा भएको हो।

कार्यक्रममा नेपाल नेत्र ज्योतिष सङ्घका सभापति देवेन्द्रराज कण्डेल, समाजसेवी निरञ्जन थापा प्रकाश कुँवर, राजकुमार राई, पत्रकार आरपी उपाध्याय र आँखा अस्पताल परासीका व्यवस्थापक अजय पाण्डेको उपस्थिति रहेको थियो ।

एक दिनको आँखा शिविरको नेतृत्व आँखा अस्पतालकी ओएयस राधिका यादवले गर्नुभएको थियो । मोतिया बिन्दुको समस्या देखिएका ६१ जना बिरामीहरूलाई आँखा अस्पतालमा ल्याई निःशुल्क शल्यक्रिया गरिने ओएयस यादवले बताउनुभयो ।

प्रकाशित मिति: बिहीबार, भदौ १९, २०८२ ०६:३३

प्रतिक्रिया दिनुहोस्