नवलपरासीका २ पालिकामा बालबालिका लक्षित नविनतम कार्यक्रम शुरु, खोप लगाउनु पूर्व स्वास्थ्य परिक्षण (भिडियाे सन्देश सहित)

स्वास्थ्य

Home
स्वास्थ्य
नवलपरासीका २ पालिकामा बालबालिका लक्षित नविनतम कार्यक्रम शुरु, खोप लगाउनु पूर्व स्वास्थ्य परिक्षण (भिडियाे सन्देश सहित)

नवलपरासीका २ पालिकामा बालबालिका लक्षित नविनतम कार्यक्रम शुरु, खोप लगाउनु पूर्व स्वास्थ्य परिक्षण (भिडियाे सन्देश सहित)

परासी । स्वास्थ्य कार्यालय नवलपरासीले जिल्लाका २ वटा पालिकाबाट बालबालिका लक्षित नविनतम कार्यक्रम शुरुवात गरेको छ । जिल्लाका सुनवल नगरपालिका र प्रतापपुर गाउँपालिकामा नविनतम कार्यक्रम शुरु गरिएको हो । कार्यक्रम अन्तर्गत बालबालिकालाई खोप दिनुपूर्व अनिवार्य स्वास्थ्य परिक्षण गर्न लागिएको हो ।

कार्यक्रम गत महिनाबाट शुरुवात गरिएको स्वास्थ्य कार्यालय नवलपरासीका खोप सुरपभाईजन अधिकृत भेषराज शर्माले नेपालीचेली अनलाईनलाई जानकारी दिनुभयो ।

गत एक महिनामा प्रतापुर गाउँपालिकामा ८ जना बालबालिका खोप दिन नमिल्ने अवस्थामा भेटिएका थिए । अधिकृत शर्माले खोप दिनुपूर्व नै बालबालिकाको स्वास्थ्य परिक्षण गर्दा भविश्यमा उनीहरूमा खोपका कारण हुनसक्ने जोखिम न्यूनिकरण गर्न सकिने बताउनु भयो । उहाँले बालबालिकाको स्वास्थ्य परिक्षण गर्दा उनीहरूमा स्वास्थ्य सम्बन्धी जटिलता भए÷नभएको थाहा हुने भएकोले जिल्लामा नबिनतम कार्यक्रम शुरु गरिएको बताउनु भयो ।

खोप अधिकृत शर्माले आगामी दिनमा जिल्लाका ७ वटै पालिकामा कार्यक्रम सञ्चालन गर्ने तयारी भइरहेको जानकारी दिनुभयो । उहाँले यो कार्यक्रम नेपालकै नविनतम कार्यक्रम भएको बताउँदै बालबालिकाका अभिभावकलाई खोप दिनु पूर्वनै आफ्ना बालबालिकाको स्वास्थ्य परिक्षण गराउन अनुरोध गर्नु भएको छ । (भिडियाे सन्देश)