पाल्हीनन्दनमा बालविवाह न्यूनीकरण सम्बन्धी दुई दिने तालिम सम्पन्न

स्वास्थ्य

Home
स्वास्थ्य
पाल्हीनन्दनमा बालविवाह न्यूनीकरण सम्बन्धी दुई दिने तालिम सम्पन्न

पाल्हीनन्दनमा बालविवाह न्यूनीकरण सम्बन्धी दुई दिने तालिम सम्पन्न

परासी । पाल्हीनन्दन गाउँपालिका वडा नम्बर १ को आयोजनामा तथा ग्यालेक्सी शिप प्रशिक्षण केन्द्रको सहजीकरणमा सञ्चालन गरिएको वडास्तरीय बालविवाह न्यूनीकरण सम्बन्धी दुई दिने तालिम आइतबार सम्पन्न भएको छ ।

शिप प्रशिक्षण केन्द्रकी संयोजक यमकुमारी सुवेदीको अध्यक्षता तथा वडा नम्बर १ का वडा अध्यक्ष चुल्हार्ईप्रसाद यादवको प्रमुख आतिथ्यतामा कार्यक्रम सम्पन्न गरिएको हो ।

तालिममा वडाका महिला स्वास्थ्य स्वयंसेविका, सामुदायिक तथा निजी विद्यालयका प्रतिनिधि, धर्मगुरुहरु, आमा समूह, व्यवसायी तथा विभिन्न संघसंस्थाका गरी ४५ जना प्रतिनिधिहरूको सहभागिता रहेको थियो ।

तालिमको सहजीकरण अधिवक्ता श्रद्धासुमन आचार्य र सामुदायिक रेडियो परासीका प्रबन्ध निर्देशक मेघराज गौतमले गर्नुभएको छ ।

कार्यक्रममा सहभागीमध्ये रमपुरवा साना किसान कृषि सहकारी संस्था लिमिटेडका अध्यक्ष हेमन्तकुमार कानु, स्वास्थ्य चौकी प्रमुख सूर्यनारायण चौधरी र बाल क्लबका अंंशुमनकुमार गुप्ता, महिला स्वास्थ्य स्वयंसेवीका नरवदा चौधरी, सन्तोषी आमा समूहकी अन्जली माली र शिक्षक तथा संघसंस्थाको प्रतिनिधित्व गर्दै रियाज अलि अन्सारीलगायतले बालविवाह न्यूनीकरणका लागि आ–आफ्नो क्षेत्रबाट सक्रिय रूपमा काम गर्ने प्रतिबद्धता व्यक्त गरेका छन् ।

प्रकाशित मिति: आइतबार, वैशाख २७, २०८३ १५:०२

प्रतिक्रिया दिनुहोस्