तराई मधेशका जिल्लाहरुमा “हिटवेभ” शुरु

स्वास्थ्य

Home
स्वास्थ्य
तराई मधेशका जिल्लाहरुमा “हिटवेभ” शुरु

तराई मधेशका जिल्लाहरुमा “हिटवेभ” शुरु

फाइल फोटो

नवलपरासी सहित तराई मधेशका जिल्लाहरुमा तापक्रम ह्वात्तै वढेको छ । दैनिक जसो ३५ देखि ४० डिग्रिसेल्सीयस र सो भन्दापनि माथि तापक्रम मापन भएको छ । अहिले तराई मधेशका जिल्लाहरुमा “हिटवेभ” शुरु भएको छ । तापक्रमलाई गर्मी, धेरै गर्मी र अत्यन्तै गर्मीको रुपमा वर्गिकरण गर्ने गरिन्छ । ३५ डिग्री कटेपछि गर्मी, ३६ भएपछि धेरै गर्मी र ३७ भन्दा माथि तापक्रम भएमा अत्यन्य गर्मी मानिन्छ । अहिले नवलपरासीमा ३८ डिग्रीको हाराहारीमा तापक्रम भएकोले अत्यन्त गर्मीको रुपमा लिइएको मौसम विदले जनाएका छन् । लगातार तीन दिनसम्म अन्यन्त गर्मी देखिएमा हिटवेभ शुरु हुने जल तथा मौसम विज्ञान विभागमा कार्यरत मौसमविद् सुदर्शन हुमागाईं ले जानकारी दिनु भयो ।

मौसमविद् हुमागाईंका अनुसार हालसम्मको तथ्यांकमा सबैभन्दा बढी तापक्रम धनगढीमा रेकर्ड भएको छ। सन् १९९५ को जुन १६ मा धनगढीको अत्तरीया स्टेसनमा ४६.४ डिग्री तापक्रम मापन गरिएको थियो। ४५ डिग्री धेरैपटक नाघेको छ। सन् १९९५ अगस्ट २ मा नवलपरासीको सेमरी स्टेसनमा ४५.८ डिग्री मापन भएको छ।

त्यसैगरी १९९५ को मे ३ मा भैरहवा एयरपोर्टमा ४५.२ छ। नेपालगन्ज सन् १९९५ को जुन १६ मा ४५ डिग्री देखिएको थियो। सन् १९६६ को जुन ८ मा चिसापानी कर्णालीमा ४५ डिग्री पुगेको थियो। टीकापुरमा सन् २०१२ को जुन १३ मा ४५ डिग्री र सन् २०१२ कै मे २८ मा दीपायलमा ४५ डिग्री पुगेको थियो। अन्य धेरै वर्षहरूमा अत्यधिक तापक्रम देखिएका थिए।

काठमाडौंको हकमा सन् १९८९ को मे ७ मा अहिलेसम्मको सबैभन्दा धेरै तापक्रम ३६.६ डिग्री मापन भएको छ। त्यसपछि सन् १९९९ को अप्रिल २६ मा ३५.६ डिग्री र सन् २००० पछि २०१५ को जुन ६ मा ३४.६ डिग्री र २०१६ को जुन ६ मा ३६ डिग्री मापन भएको छ। बुधबार काठमाडौंमा ३०.७ डिग्री मापन भएको छ।