नेपाल विद्युत प्राधिकरणका कर्मचारीहरुको राष्ट्रिय स्तरको व्याडमिन्टन प्रतियोगिता बुटवलमा सम्पन्न

खेलकुद

Home
खेलकुद
नेपाल विद्युत प्राधिकरणका कर्मचारीहरुको राष्ट्रिय स्तरको व्याडमिन्टन प्रतियोगिता बुटवलमा सम्पन्न

नेपाल विद्युत प्राधिकरणका कर्मचारीहरुको राष्ट्रिय स्तरको व्याडमिन्टन प्रतियोगिता बुटवलमा सम्पन्न

नेपाल विद्युत प्राधिकरण कर्मचारी युनियन केन्द्रीय समितिको खेलकूद विभागकाे आयोजना र लुम्बिनी प्रदेश कमिटिको संयोजनमा अन्तर कर्मचारी राष्ट्रिय स्तरको ब्याडमिन्टन प्रतियोगिता २०८० शनिवार बुटवलमा सम्पन्न भएको छ ।

बिभिन्न ४ इभेन्टमा सम्पन्न भएको प्रतियोगितामा प्राधिकरणमा कार्यरत देशभरका कर्मचारीहरुको सहभागीता रहेको थियो । प्रतियोगिता साउन ४ गतेदेखि तिलाेत्तमा ब्याडमिन्टन क्लवमा सञ्चालन भएकाे हाे ।

ब्याडमिन्टन प्रतियोगिता महिला युगल, भेट्रान्स ४५ प्लस, मेन्स डबल्स र एक्जुकेटिभ डबल्स गरी चार इभेन्टमा भएको थियो । महिला युगल तर्फ पोखरा/गोर्खाका यमकुमारी गुरुङ्ग र अम्बिका सापकोटाको जोडि प्रथम भएको छ । यस्तै भेट्रान्स ४५ प्लस तर्फ काठमाण्डौ/झापाका राजु महर्जन र श्रीप्रसाद धिमालको जोडी प्रथम भएको हो । यस्तै ब्याडमिन्टन प्रतियोगितामा मेन्स डबल्स तर्फ बुटवल/दाङ्गका टेकवहादुर वुढा र भुपेन्द्र वि.सीको जोडि प्रथम भएको छ । यसैगरी एक्जुकेटिभ डवल्स तर्फ काठमाण्डौ/सिन्धुलीका खगेन्द्र शाही र विनोद अधिकारीको जोडी प्रथम भएको प्रतियोगिताका रेफ्री प्रमोदसिंह पहारीले जानकारी दिनु भयो ।

प्रतियोगितामा प्रथम, द्वितीय र तृतीय हुने जोडिलाई नेपाल विद्युत प्राधिकरणका कार्यकारी निर्देशक कुलमान घिसिंङ्गले नगद र प्रमाण पत्र वितरण गर्नु भएको छ । सो अवसरमा कार्यकारी निर्देशक घिसिङ्गले व्याडमिन्टन खेलको माध्यमबाट देशभरकै कर्मचारीहरुको बीचमा आपसी सम्बन्ध बनाउन मद्दत भएको बताउनु भयो ।

सो अवसरमा नेपाल विद्युत प्राधिकरण कर्मचारी युनियन केन्द्रीय समितिका अध्यक्ष रामेश्वर पौडेल, प्राधिकरण लुम्बिनी प्रदेश कमिटीका अध्यक्ष टेक वहादुर बुढा लगायतले विजयी खेलाडिहरुलाई शुभकामना दिनु भएको छ ।