पूर्वाधारको विकाससँगै नयाँ खेलाडि उत्पादनमा जोड दिनु पर्नेः नगरप्रमुख यादव

खेलकुद

Home
खेलकुद
पूर्वाधारको विकाससँगै नयाँ खेलाडि उत्पादनमा जोड दिनु पर्नेः नगरप्रमुख यादव

पूर्वाधारको विकाससँगै नयाँ खेलाडि उत्पादनमा जोड दिनु पर्नेः नगरप्रमुख यादव

Damkal Sewa

परासी । रामग्राम नगरपालिकाका नगरप्रमुख धनपत यादवले पूर्वाधारको विकाससँगै खेलाडि उत्पादनमा पनि जोडदिन आग्रह गर्नु भएको छ । नगरप्रमुख यादवले रामग्राम नगरपालिकामा सुविधा सम्पन्न व्याडमिन्टन कभर्डहलको निर्माण भई दैनिक खेल सञ्चालन भएपनि नयाँ खेलाडि उत्पादन हुन नसकेको बताउनु भयो । उहाँले अब नयाँ खेलाडि उत्पादन गर्ने गरी व्याडमिन्टन प्रशिक्षण सञ्चालन गर्न रामग्राम ब्याडमिन्टन क्लवलाई आग्रह गर्नु भयो ।

शुक्रबार ५० बर्ष उमेर समूहका खेलाडिहरुको ब्याडमिन्टन प्रतियोगिताको समुदघाटन गर्दै नगरप्रमुख यादवले यस्तो बताउनु भएको हो । नवलपरासी जिल्लाका ५० बर्ष उमेर समूहका १० वटा टिमको सहभागीतामा सञ्चालन भएको सुपर भेट्रान्स डवल प्रतियोगिता रामग्राम व्याडमिन्टन क्लवका अध्यक्ष ताराचन्द्र बर्माको अध्यक्षतामा भएको हो ।

ब्याडमिन्टन प्रतियोगिताको समुद्घाटन समारोहमा नवलपरासीका प्रमुख जिल्ला अधिकारी विश्व प्रकाश अर्याल, जिल्ला ब्याडमिन्टन संघका अध्यक्ष शंकर भण्डारी, संघका सदस्य यामुथापा मगर लगायतले बोल्नु भएको रामग्राम व्याडमिन्टन क्लवका सदस्य सुदिप पराजुलीले जानकारी दिनु भयो ।

Diraj Treders