सुनवलमा चौथो राष्ट्रपति रनिङशील प्रतियोगिता सुरु

खेलकुद

Home
खेलकुद
सुनवलमा चौथो राष्ट्रपति रनिङशील प्रतियोगिता सुरु

सुनवलमा चौथो राष्ट्रपति रनिङशील प्रतियोगिता सुरु

मञ्जु यादव, सुनवल । सुनवल नगरपालिकामा विद्यालय स्तरीय राष्ट्रपति रनिङशील प्रतियोगिता बुधबारदेखि सुरु भएको छ। सुनवल नगरपालिकाको आयोजना र रमवापुर माध्यमिक विद्यालयको व्यवस्थापनमा नगरस्तरीय चौथो रनिङ सिल्ड प्रतियोगिता सुरु भएको हो।

विद्यालय व्यवस्थापन समितिका कार्यवाहक अध्यक्ष शालिकराम सापकोटाको अध्यक्षता र लुम्बिनी प्रदेशका मुख्यमन्त्री चेतनारायण आचार्यको प्रमुख आतिथ्यमा कार्यक्रम गरिएको छ। सो अवसरमा बोल्दै मुख्यमन्त्री आचार्यले खेलक्षेत्रमा निरन्तर लागिपर्ने र उत्कृष्टता हासिल गर्ने खेलाडीलाई अवसरको कमी नहुने बताउनुभएको छ ।

कार्यक्रममा लुम्बिनी प्रदेश सभा सदस्य खड्ग बस्नेत, जिल्ला समन्वय समिति नवलपरासीका प्रमुख भगौती प्रसाद यादव, सुनवल नगरपालिकाका नगरप्रमुख बिमला अर्याल लगायतले शुभकामना व्यक्त गर्नुभएको थियो।

प्रकाशित मिति: बिहीबार, माघ १०, २०८१ ०६:२४

प्रतिक्रिया दिनुहोस्