नवलपरासीमा एचपीभी खोप अभियान सकियो, अझै ५४२ किशोरी खोप लगाउन छुटे

स्वास्थ्य

Home
स्वास्थ्य
नवलपरासीमा एचपीभी खोप अभियान सकियो, अझै ५४२ किशोरी खोप लगाउन छुटे

नवलपरासीमा एचपीभी खोप अभियान सकियो, अझै ५४२ किशोरी खोप लगाउन छुटे

परासी । नवलपरासीमा किशोरीहरुलाई पाठेघरको मुखको क्यान्सर विरुद्धको एचपीभी खोप लगाउने अभियान सकिएको छ । माघ २२ गतेदेखि २८ गतेसम्म साताव्यापी अभियानका रूपमा खोप लगाइएको थियो ।

जिल्लामा १६ हजार २९३ जना किशोरीलाई खोप लगाउने लक्ष्य लिएकोमा हालसम्म १५ हजार ७५१ जना किशोरीहरूलाई खोप दिइएको छ। यसरी हेर्दा अझै ५ सय ४२ जना किशोरीहरू खोप लगाउन छुटेका छन्।

स्वास्थ्य कार्यालयका अनुसार सरावल गाउँपालिकामा शतप्रतिशत खोप दिइएको छ भने सुनवल प्रतापपुर र सुस्तामा ९८ प्रतिशत, बर्दघाट नगरपालिकामा ९७, रामग्राम नगरपालिकामा ९५ र पालीनन्दन गाउँपालिकामा ९२ प्रतिशत किशोरीले खोप पाएका छन्।

खोप लगाउन छुटेका किशोरीहरूलाई अझै एक दुई दिन समय बढाएर खोप दिने कार्यक्रम तय गरिएको स्वास्थ्य कार्यालय नवलपरासीका खोप अधिकृत भेषराज शर्माले बताउनुभयो ।

विद्यालयमा अध्ययनरत ६ देखि १० कक्षासम्मका किशोरी र विद्यालय नजाने १० वर्षदेखि १४ वर्षसम्मका किशोरीलाई खोप लगाइएको छ । खोपका लागि जिल्लाभर विशेष अभियान नै सञ्चालन गरिएको स्वास्थ्य कार्यालय नवलपरासीले जनाएको छ।

प्रकाशित मिति: बिहीबार, फागुन १, २०८१ ०६:१८

प्रतिक्रिया दिनुहोस्