रामग्राममा सहकारी व्यवस्थापन सम्बन्धी तीन दिवसीय तालिम समापन

स्थानीय सरकार

Home
स्थानीय सरकार
रामग्राममा सहकारी व्यवस्थापन सम्बन्धी तीन दिवसीय तालिम समापन

रामग्राममा सहकारी व्यवस्थापन सम्बन्धी तीन दिवसीय तालिम समापन

परासी । सहकारी सञ्चालन तथा व्यवस्थापन सम्बन्धी तीन दिवसीय प्रशिक्षण कार्यक्रम मंगलबार रामग्राममा समापन गरिएको छ । आइतबारदेखि शुरु गरिएको तालिम आज समापन गरिएको रामग्राम नगरपालिकाले जनाएको हो । नगरपालिकाका सहकारी अधिकृत रामसुभाष गुप्ताको अध्यक्षता र कार्यवाहक नगरप्रमुख संझना चौधरीको प्रमुख आतिथ्यमा तालिम कार्यक्रम गरिएको हो ।

सहकारीका सञ्चालन र व्यवस्थापकहरुको सहभागिता रहेको तालिम कार्यक्रममा सिद्धार्थनगर नगरपालिकाका सहकारी अधिकृत कमलकान्त खनाले सहजिकरण गर्नु भएको थियो ।

सहकारी संस्थाहरुलाई नीति, विधि र प्रविधि अनुसार सञ्चालन गर्ने साथै सहकारीका सिद्धान्त, मूल्य र मान्यताको पालना गर्दै सहकारीलाई सदस्य केन्द्रीत बनाउन प्रशिक्षक खनालले सुझाव दिनु भएको छ ।

कार्यक्रममा रामग्राम सञ्जालका संयोजक मेघराज गौतम, महादेव कृषि सहकारी संस्था लि.का अध्यक्ष देवेन्द्र चौधरी, परासी आदर्श बहुमुखि सहकारी संस्था लि.का व्यवस्थापक सञ्जयकुमार सिंह, शुभलक्ष्मी महिला बहुउद्देश्यीय सहकारी संस्थाका अध्यक्ष जोगकुमारी चौधरी लगायतले बोल्दै सहकारीको दिगो विकासका लागि काम गर्ने प्रतिवद्धता व्यक्त गर्नु भएको पशु सेवा शाखाका गोविन्द पौडेलले जानकारी दिनु भयो ।

रामग्राममा ३३ बटा विभिन्न विषयगत सहकारीहरु रहेका छन् ।

प्रकाशित मिति: मंगलबार, फागुन २७, २०८१ १४:४५

प्रतिक्रिया दिनुहोस्