एभरेस्ट महिला भलिबल लिगका बाँकी खेल कात्तिक २६ गतेदेखि शुरू हुँदै

खेलकुद

Home
खेलकुद
एभरेस्ट महिला भलिबल लिगका बाँकी खेल कात्तिक २६ गतेदेखि शुरू हुँदै

एभरेस्ट महिला भलिबल लिगका बाँकी खेल कात्तिक २६ गतेदेखि शुरू हुँदै

चेली सम्बाददाता, काठमाण्डौं । जेन–जी आन्दोलनका कारण बीचमै रोकिएको दोश्रो संस्करणको एभरेस्ट महिला भलिबल लिगका बाँकी खेलहरू आउँदो कात्तिक २६ देखि २९ गतेसम्म हुने भएका छन् । बाँकी खेलहरू काठमाण्डौमै सम्पन्न गर्ने र संशोधित खेल तालिका चाँडै सार्वजनिक गर्ने आयोजक इन्फिनिटी ड्रिम्सले मंगलबार एक बिज्ञप्ति निकालेर जानकारी गराएको छ ।

लिग रोकिनुअघि प्रतियोगितामा १६ मध्ये ९ खेल सम्पन्न भइसकेका छन् । यी खेलहरू पोखरामा भएका थिए । अब ७ वटा खेल बाँकी छन् ।

६ वटा टोली सहभागी प्रतियोगितामा ललितपुर क्वीन्स शीर्ष, कर्णाली यशविस दोस्रो र मधेश युनाइटेड तेस्रो स्थानमा छन् ।

प्रतियोगितामा ललितपुर, कर्णाली, मधेशसहित, काठमाण्डौ स्पाइकर्स, पोखरा निन्जाज र लुम्बिनी लाभा सहभागी छन् ।

प्रकाशित मिति: मंगलबार, कात्तिक १८, २०८२ १७:५१

प्रतिक्रिया दिनुहोस्